Ohaaaaa...ni petara aki ni petara inik ni petala semua alam semesta..to ku manjung sekali to minta sah minta tolong minta padung minta kitak datai ngesah kami ti duduk bertunga ba ruai...To ku bersampi minta petara merekat kami semua ti lama idup merinsa nyadi kaya nyadi tampak rita..bujang dara chungai ba jari sampai ke luar negeri ngambi PHD bulih master ngau degre,ia ketuai majak gayu ulih meda corak pegidup penatai rebak baru,ia ke mit baka burung pipit terebai baka kesulit ngebung niki ke langit,ia ke bebini blaki beri ke tegap berdiri nda buya ke pangan diri..ia ke kereja sereta bbisnes ba dunya asuh bulih gik reta tengkira awak tampak rita seluruh dunya ngangkat ke dayak ari pemerinsa,sida ke bisi ruang bilik asuh bidik asuh lansik lebuh bejalai enda pulai gegendai gerenti ngemai emas mesai pingai..kami besampi ngajih kitai gerai berari,gayu guru gerai nyamai lantang senang nguan menua,bulih tuah bulih limpah ari taun ke udah,bulih reta ngasuh tampak rita bulih ringit punjung baka langit cecegit berdiri baka batu tingi enda mudah pambar baka tiang peniki batu aki Beji niki ke langit,lelegit ba bukit enda mudah rarat labuh kelebak nisi parit..ngau to ku dulu ka ngetu dulu bjako,engau piring ading ku manjung OOOO haaaaa gayu guru kami di menua bulih rejeki bulih padi bulih reta bulih pemandai chungai ba jari,lantang senang nguan menua makin ari makin btambah reta btambah gerai ari ke tahun bukai...Ohaaa..Ari aku Tuai Jerita Belik Tang Amai...Derrick Daeron Anak Stelon..
No comments:
Post a Comment